Mann funnen død i Gloppen
Politiet blei klokka 14.17 i dag varsla via AMK om funn av ein person i Gloppefjorden på Sandane. Det var forbipasserande som varsla om hendinga og fekk vedkommande på land. Dei starta hjarte- og lungeredning, fortel Jan Børge Misje, operasjonsleiar i Vest politidistrikt. Lege og ambulanse rykte ut på staden, men bekrefta at mannen i 80-åra då var død. – Vi veit ikkje kva som har skjedd, men han blei funnen i nærleiken av ein båt som vi trur han er eigaren av, seier Misje. Politiet opprettar sak. Mannen vil verte obdusert. Dei pårørande er varsla.
